Posholi Mokhachane oa bolaoa

Ka letsatsi lena 27 Pherekhong 1868, ene ele ha Maburu a hloa sehlaba sa Mathebe seo e neng ele qhobosheane ea Morena Posholi. 

Morena Posholi o ne a bōkeletse lijo tse ngata qhobosheaneng ena kamor'a hore moholoan'ae Motlotlehi Moshoeshoe I a  tekenele Treaty of Thaba-Bosiu, eo Basotho ba ile ba e bitsa Khotso ea Mabele selemong sa 1866. Sepheeo ene ele hore ntoa e lale hanyane Basotho ba tsebe ho kotula lijo le ho li hloesetsa liqhobosheaneng, ba ntoo khutla ba re ha se lleloe ho Maburu. 

Morena Posholi one a le lilemo li ka bang 73 haa bolaoa kaha o hlahile lilemong tsa bo 1795 'me ke moena oa Moshoeshoe ea hlahlamang Makhabane ka lelapeng la Mofumahali 'Malepoqo (Kholu). E bile mohale e moholo har'a Basotho eo e neng ele tlhoba-boroko ho Maburu hofihlela ba atleha ho mo hlōla ka 1868, eka o ne a ile a kopa tlatsetso ho moholoane oa hae empa o timetse tlatsetso eo e-so romeloe. Ntoa ena ke eona Ntoa ea Seqiti.

U re roballe Ramathalea oa Kholu le Mokhachane.